Análise do rodeo ó Congreso

25-S

Que pasou o 25/9/12 en Madrid?

25-S. O pasado 25 de setembro, miles de persoas volveron a reunirse para manifestarse ante o Congreso dos Deputados. A protesta foi convocada en Praza Neptuno e na Porta do Sol co obxectivo de volver a rodear o Congreso e pedir a dimisión do Goberno e o inicio dun proceso constituínte.

Que papel xogou a policía?

Os policías dedicáronse a “realizar o seu traballo”. Detrás dos valos, a cabalo e con cans, adicaron a xornada á violencia. Co fin de “deter” ós manifestantes, arremeteron contra eles de forma feroz, bruta e sen piedade. A maiores, moitos deles asistiron á manifestación camuflados para deter ós coordinadores da manifestación.

Que papel xogaron os manifestantes?

Poderíase dicir, de feito, que a manifestación chegou a un punto similar á caza do rato polo gato. Con isto non se defende o feito de que moitos dos manifestantes se comportaron, tamén, de maneira ruda, senón que moitas persoas indefensas foron punto fixo dos policías na súa persecución. Sen esquecer que todos eles estaban alí manifestándose, cousa que ata o momento non é ilegal.

Que papel xogou a clase política? Cantos diputados asistían ao pleno?

A clase política non xogou ningún papel no propio día, máis ben ós días seguintes coas súas declaracións sobre o sucedido. Según os deputados, o pleno desenvolveuse con normalidade, como se nada estivese pasando no exterior.

Que pasou no pleno do Congreso?

Discutíronse diferentes propostas dos grupos políticos. A proposta de UPyD de crear unha lei Orgánica para previr e erradicar a discriminación lingüística e asegurar a liberdade da elección da lingua, do mesmo partido a idea da racionalización do réxime retributivo dos cargos políticos electivos ediante un sistema obxectivo e transparente;  do PNV sobre a mellora da accesibilidade nas comunidades de vivendas e sobre a relativa loita contra o fraude fiscal; a proposta do Sr.Baldoví sobre o aproveitamento dos alimentos descartados polas grandes superficies;  de novo, a proposta de UPyD en relación ó acceso dos estudantes de educación obrigarotia a unha alimentación nos centros escolares e, finalmente, do PNV a creación dun Fondo Verde de inmersión para xerar crecemento e emprego.

A maiores, aprobouse a orde do día no sentido de excluir do mesmo punto 25, da Esquerda Plural, sobre a situación da Seguridade Social e a garantía das pensións.

Por que foi a concentración? Quen chamou á concentración?

Foi para pedir a dimisión do goberno e o comezo dun proceso constituínte. A concentración foi organizada por unha “coordinadora” vía web: coordinadora25s.wordpress.com

Onde vistedes as noticias?

Vía web.

Como valorades esa información recibida?

Depende: ó ler todos os xornais dixitais obtiven bastante información, e plural. Mais certo é que moitos xornais intentaron modificar a imaxe do 25s poñendo ós cidadáns como “terroristas”, como “golpistas”. Aínda que non debemos esquecer que tamén se viu manipulación dende o lado oposto.

Que lle faltaba a esa información?

Obxectividade.

Que consecuencias ou que letura se pode facer ou entresacamos da concentración/manifestacións?

Trátase dun acto que atrae de forma mediática, mais cada medio levaa ó seu punto de vista. Para facerse a unha idea é necesaria a lectura de noticias de diferentes ideoloxías e así chegar a extraer unha idea acertada do sucedido. As manifestacións, o espírito de cambio, fannos abrir os ollos ós cidadáns, a sumarnos a eles, ou incluso poñernos en contra; mais, polo menos, a pensar no sucedido, no que piden, a reaccionar. Algo totalmente necesario na sociedade actual, que tan só nos comportamos como elementos pasivos nas mans dos “máis grandes”.

Que outras preguntas habería que facerse?

Centos delas. Preguntas en canto á política e sociedade e preguntas en canto ós medios de comunicación e ó seu intento de manipulación.